იორდანულ-ქართული ერთობლივი ბიზნეს საბჭოს შექმნა

2025 წლის 1-6 ნოემბერს, ქ. ამანში,  იორდანიის ჰაშიმიტურ სამეფოში საქართველოს საელჩოს ხელშეწყობით, საქართველოს ბიზნეს ასოციაციის სამუშაო ვიზიტი შედგა.

ვიზიტის ფარგლებში საქართველოს ბიზნეს ასოციაციამ და იორდანიის ბიზნესმენთა კავშირმა ხელი მოაწერეს ურთიერთგაგების მემორანდუმს, რომლის მიზანია ერთობლივი იორდანულ-ქართული ბიზნეს საბჭოს შექმნა. იორდანიის მხრიდან დოკუმენტს ხელი მოაწერა იორდანელ ბიზნესმენთა ასოციაციის ვიცე-პრეზიდენტმა, ოსამა იმსეჰმა,  ხოლო საქართველოს მხრიდან - საქართველოს ბიზნეს ასოციაციის აღმასრულებელმა დირექტორმა, ლევან ვეფხვაძემ.

აღნიშნული მემორანდუმი წარმოადგენს საქართველოსა და იორდანიას შორის სავაჭრო-ეკონომიკური თანამშრომლობის გაღრმავების საფუძველს და ხელს შეუწყობს ორმხირივი  საქმიანი კავშირების განვითარებას.

აღნიშნული ღონისძიება ფართოდ გაშუქდა ადგილობრივი მედია საშუალებების მიერ.